Helping people to live better. This is where you can get the secrets of great success without paying anything. The change will start with working on our mentality to get a better mind set. Then, we will talk about finance. And we should have fun doing it.
سيبها على ربنا
سيبها على ربنا

سيبها على ربنا

سيبها على ربنا بقت كلمة بتتقال كتير اوى وهى من الكلمات اللى انا مابحبش اسمعها لانها بتضلل تفكيرنا وبتخلينا نكسل. ومن هنا ومن هذا المنطلق حبيت اتكلم عن الموضوع ده شويه

اول حاجة احب اقولها فى هذا الصدد اني لما اقول سيبها على ربنا ده مالوش اي علاقة بايمانى ولا يفضي من قريب ولا من بعيد اني تقي واني قريب من ربنا ومتوكل عليه

احنا في الحقيقة بنقول سيبها على ربنا عشان نهرب من الواقع. بنقول سيبها على ربنا بمعنى ريح دماغك وسيبها تتعدل لوحدها. يؤسفني اقول انه مفيش حاجة بتتعدل لوحدها. لازم نصحي من سباتنا العقيم ونفكر مرة واتنين وعشرة احنا اوضاعنا مش كويسة ليه من غير مانعلق شماعتنا في دولاب مدام محاسن جارتنا

لازم نفكر فين الغلط وايه الاسباب المؤدية الى حدوثه ونحاول نقضي على تلكم الاسباب ونبطل بقي تواكل

لكن للاسف من كتر ما بقينا بنقول سيبها على ربنا بقينا تقريبا مابنعملش اي حاجة وسايبين كل حاجة على ربنا وقاعدين احنا فى سباتنا العقيم المذكور سابقا

وللاسف الموضوع بقي درجات لدرجة اننا كعرب مستنين المهد المنتظر ييجي عشان نحرر فلسطين لكن مفيش اي حد مننا بيحاول يحل اي قضية عربية. وضعنا كعرب كل سنة اسوأ من اللى قبلها. من كام سنة كانت عندنا مشكلة فلسطين بس دلوقتى بقي عندنا سورية والعراق والسودان واليمن وليبيا وشكلنا مكملين تكاسل وتواكل

المفروض ان ربنا جعلنا خليفة له في الارض عشان نخليها جنة لكننا للاسف كعرب اصحاب الدين الاخير وخاتم الانبياء اكثر خلق الله تكاسل عن قيامنا بدورنا كبشر في الارض.

بقينا اشطر الناس في حاجتين اتنين بس. اشطر ناس فى التواكل على ربنا وانتقاد انجح الناس على هفواتهم واحنا كلنا هفوات.

المطلوب ان كل واحد يركز فى شغله وحياته ومشاكله ويفكر يحلها بنفسه من دون الاعتماد لا على واسطه ولا حكومة ولا وزير ولا دين ولا شيخ ولا حتي ربنا. قوم فز اعدل المايل فى دنيتك وماتستناش مساعدة من حد لكن لو احتجت مساعدة اطلب من اللى حواليك  وساعتها بس هتلاقي ربنا مسهلهالك وكرمه عم عليك

دخلك قليل شوف شغل تانى او غير شغلك خالص او بطل تصرف فلوسك على تفاهات زى السجاير مثلا

الدنيا سهلة وكل حاجة ليها حل بس كل واحد يعمل الصح على رأى دكتور عمرو

اعمل الصح

Leave a Reply